Здраво дечки, добредојдовте во уште едно блогмас дружење.
Денес ви споделувам 5 предлог филмови (поточно 4 филмови и 1 тв серијал) кои можете да ги најдете на Netflix и се одлични за да го разгорите малку празничниот дух. Гледав да одберам филмови кои не се премногу, too in your face, празнични, хаха. Се потрудив, вие ќе кажете дали успеав, хаха. Таман можете дел од предлозите да ги искористите за ова неделно попладне. Па да започнеме со одбројувањето.
The Holiday
Јас не знам дали постои поубав филм од The Holiday за време на празниците. Има сè што можете да посакате од празничен филм, преубава глума, емотивна бура и прееееедобар саундтрак. Музиката на The Holiday ми е на repeat, додека пијам кафе, работам, пишувам. Ми дава такво некое убаво чувство и топлина на душичката да немам зборови. Kate Winslet и Cameron Diaz се одлучуваат да си го дозволат одморот кој толку многу им треба, се решаваат да ги користат услугите на веб страна на која се излистани куќи кои се нудат на замена и се одлучуваат да ги заменат токму нивните домови. Кејт заминува за САД, а Камерон доаѓа во Англија. Иии авантурата започнува. Сигурна сум дека сте го изгледале до сега, но сакав да ве потсетам на него, во случај да сте го заборавиле, обавезно да го ставите на листата за гледање овие денови.
Klaus
Откако се покажал како најлош поштар во академијата, Jesper е испратен да работи во едно снежно гратче на Северниот пол. Таму го запознава, малку чудниот и повлечен изработувач на играчки, Klaus. Преубава приказна, многу емоција и фантазија во ова анимирано филмче кое е достапно на Netflix. Можете да го гледате сами, со семејството, со партнерот, во гарантирам дека ќе уживате.
Just Another Christmas
Заглавен во временски loop, Jorge, фамилијарен човек кој мрази Божиќ, ќе биде принуден одново и одново да го преживува истиот божиќен ден. Иако навидум ист, денот секогаш носи различна лекција за нештата кои ќе излезат важни и приоритетни во неговиот живот. Одлична комедија која ќе ве насмее, но и расплаче до солзи. На хумористичен начин ќе ве потсети на вистинските приоритети во животот и ќе ве поттикне да се заблагодарите за убавините кои ги имате, сега, денес, во моментот. Филмот е бразилски и дејствието се одвива на португалски јазик, кој дава дополнителен шмек на целото филмско искуство. Секако дека е достапен на Netflix.
Dash and Lily
Прав божиќен Netflix ТВ серијал. Станува збор за божиќна романса која се развива помеѓу циничниот Dash и оптимистичната Lily, разменувајќи предизвици, соништа и желби во нотесот кој си го разменуваат на различни локации низ Њу Јорк. Кој сака прав божиќен дух во Њу Јорк, прекрасно украсени улици, продавници и симпатична љубовна приказна, ова е правиот избор за вас. Лесна за гледање, права лимонадка која со сигурност ќе ве релаксира и развесели.
Dash and Lily
Смачувајќи им се да бидат постојано сами за празниците, Sloane и Jackson случајно ќе се запознаат и ќе се договорат, на сите празници во годината која следува да си бидат plus one платонски придружници. Празниците доаѓаат, они си поминуваат супер во заедничко друштво, но колку таа љубов ќе издржи платонски, останува да го изгледате филмот за да дознаете. Лесно и забавно филмче за едно убаво викенд попладне.
Се надевам дека ви се допадна предлозите.
Ве чекам утре повторно со нова тема и ново дружење.
Ве сака,
Бокица
