Distillery Avon Makeup Line – Pressed powder, eyeshadow, mascara

Во креирањето на оваа совесно создадена колекција се користени само најчистите минерални пигменти и неопходни состојки. Дестилацијата значи дека производите се чисти и концентрирани за постигнување динамични бои со само еден потег. Воедно се и природни и лесни за користење.

Во колекцијата, за сега, има три достапни производи:

• Камена пудра
• Сенки за очи
• Маскара

Пакувањето е минималистичко, основна боја е белата која ме асоцира на чисто, во комбинација со златни букви кои што даваат луксузно чувство на производите. Пакувањето е картонско од рециклирана хартија, се отвора/затвора со помош на магнет. Пакувањето е сертифицирано од FSC. За производите за нега на кожата се користи стакло со цел целосно да се избегне пластиката. За козметичката линија се користи картонско пакување и не се вметнати огледала со цел да биде полесно рециклирањето на самото пакување. За лесна преносливост на кармините и маскарата сеуште се користи пластично пакување, но целта на брендот е до 2025 година сите производи да имаат 100% рециклирачко пакување.

• Камена пудра со висока концентрација на нежно приспособливи пигменти од природни минерали за долготрајна боја.
• Достапна е во 6 нијанси. Јас ја имам во нијансата 110 и е прекрасна неутрална нијанса.
• Во составот има омега 3+6 од масло од малина, антиоксиданти и минерални пигменти.
• Убаво го матира лицето, ги пополнува порите и дава дополнителна природна покривност и боја на лицето. Кај мојата кожа го држи себумот под контрола повеќе од 5 часа.
• Може да се нанесе и со сунѓерче и со четка, со тоа што со сунѓерче се добива појака покривност.

• Сенки за очи со уникатна, висока концентрација на пигменти за богата и смела боја со еден потег.
• Во составот се вклучени природни минерали, вегански емолиенти и органски пченкарен скроб.
• Достапни нијанси – 2 мат нијанси (Batch 330 и Batch 310) и 5 металик светкави нијанси (Batch 323, 473, 436, 407 и 425)

• Јас ги имам следните нијанси:

  Batch 330 – прекрасна чоколадно кафена мат нијанса, која што е многу пигментирана, а сепак лесно се нанесува и „бленда“. Може да се користи за да се постигне зачаден (smokey) изглед, да се нанесе со закосена четка во вид на ајлајнер или да се користи во комбинација со другите бои за да се потенцира прегибот на окото или надворешните краеви на окото.

• Batch 323 – Прекрасна бронзена металик нијанса совршена за секој ден и за сите бои на очи. Јас ја нанесувам на цел очен капак концентрирано, ако сакам да постигнам понежен ефект со четкичка за блендање ги измазнувам ивиците на нанесената сенка, со цел да добијам ефект на преливање (градиент).

• Batch 425 – Прекрасна розево-бордо нијанса, која што убаво прилега на моите кафени очи, но уште поубаво би ги истакнала зелените и сините очи. Исто како и бронзената нијанса и оваа нијанса има убав металик светкав финиш, лесно се нанесува, може да се нанесе интензивно на целиот очен капак или пак да се ублажат ивиците со цел да се добие smokey gradient ефект.

Металик нијансите прекрасно се нанесуваат и со прсти. Одлични се за сите оние кои што сакаат со нанесување на само една нијанса да постигнат едноставен ефективен изглед. Премногу се пигментирани, не им треба база за да се истакне пигментот и долготрајноста, сами по себе функционираат совршено.