AVON PLANET SPA BLISSFULLY NOURISHING COLLECTION – BLOGMAS DAY 1

Првиот ден од блогмас го започнувам со еден сет на производи коишто изминативе месеци се неизоставен дел од мојата рутина, особено кога станува збор за нега на дланки и нокти. Оваа линија за нега е дел од Planet Spa колекцијата на AVON. Карактеристично за сите производи од оваа колекција со африкански шеа путер е мирисот и интензивната нега којашто ја пружаат на кожата. Мирисот кај сите производи е преубав, ме потсеќа на прегорен шеќер/шеќерна волна. Особено ме воодушевува фактот што мирисот откако ќе се нанесат производите трае со часови. Накратко ќе ви споделам неколку факти за секој од нив.

Avon Planet Spa Blissfully Nourishing Hand and Foot scrub – Станува збор за пилинг крема којашто може да се користи и за раце и за стапало. Прави нежна ексфолијација на мртвите клетки на кожата и ги омекнува и негува сувите делови. Како и цела колекција и овој производ мириса преубаво. Ми се допаѓа фактот што не е агресивен пилинг и немате чувство како да ја дерете кожата на рацете којашто и онака е доста нежна. За раце го користам еднаш неделно, пред правење на маникир. За стапало морам да признаам дека не сум толку редовна колку што би сакала да бидам, па го користам минимум два пати месечно веднаш после бањање. Производот доаѓа во пакување од 75 мл.

Avon Planet Spa Blissfully Nourishing Nail Spa with African Shea Butter – Replenishing and Conditioning Paraffin mask – Станува збор за парафинска маска којашто дава интензивна нега и хидратација на дланките и ноктите. Се нанесува во подебел сјој на дланките. Се остава да делува некои 3 до 5 минути и потоа се измива со млака вода. Резултатот којшто се добива е инстантно измазнување и хидрирање на дланките. Дополнително пружа длабинска нега и на ноктите и кутикулите, па тие изгледаат поздраво. Исто така се препорачува да се нанесува и на стапалата затоа што помага во омекнување на сувите делови на кожата и ги прави стапалата мазни на допир. Јас ја нанесувам еднаш неделно, односно пред правење на маникирот. Откако ќе го извадам лакот ја нанесувам оваа маска и оставам да си ја направи магијата. Се приметува моментално подобрување на состојбата на дланките и стапалата. Особено изминатава година, во којашто геловите за дезинфекција на рацете ми се секојдневие, оваа маска игра голема улога во одржување на влагата на дланките. Многу често прво правам пилинг со горенаведениот производ па после тоа ја нанесувам оваа маска. Производот доаѓа во пакување од 125 мл.

Avon Planet Spa Blissfully Nourishing Hand, Elbow and Foot cream – Високохидратантна крема којашто е наменета да се нанесува секојдневно на сувите делови на телото како лакти, раце, стапала, колена и сл. Како и цела колекција во составот има шеа путер којшто е многу хранлив и овозможува длабинска нега на третираните области. Производот доаѓа во пакување од 75 мл.

Avon Planet Spa Blissfully Nourishing Hand cream – Оваа крема за раце има убаво компактно пакување коешто е идеално за носење во ташна, не зафаќа место, а сепак има пристојна количина од 30 мл. производ. Многу убаво ја омекнува кожата на рацете којашто во последно време е се посува поради континуираното користење на гелови за дезинфекција на рацете. Дополнително ни претстојат зимските ладни денови коишто се големи непријатели на нежната тенка кожа на рацете, па овој крем ќе оди насекаде со мене.