Топ 5 филмови коишто треба да ги погледнете за празниците | Blogmas day 13

La La Land е романтична драма - мјузикл, во којашто главни глумци се Ryan Gosling и Ema Stone (спомнете го ова култно дуо заедно во филм и веќе знаете дека ќе има добра хемија и глума). Gosling е џез пијанист, а Ema Stone е актерка во подем, двајцата се среќаваат и заљубуваат, додека се обидуваат да си ги остварат соништата во Лос Анџелес.  Преубав филм полн со душа, хумор, стил, шарм и љубов. Саундтракот е заразен, до ден денешен го слушам секогаш кога сакам да ја подигна атмосферата додека работам по дома. Приказната е преубава, глумата и хемијата помеѓу Ема и Рајан обзема. Ми се допаѓа затоа што како за промена е лесен и забавен филм којшто на крајот ќе ве остави со кнедла во грлото - кој го гледал знае за што зборувам. Дури и да не сакате мјузикли мислам дека овој ќе го засакате, мене дефинитивно ми се вбројува во еден од омилените филмови.

The Great Gatsby е адаптација на познатото дело на F. Scott Fitzgerald's Long. Дејството се случува во 1922 во Њујорк. Nick Carraway (Tobey Maguire) пристигнува во Њујорк за да го оствари својот американски сон. Nick, писател во подем, се вселува веднаш до куќата на познатиот милионер Jay Gatsby (Leonardo DiCaprio) и за брзо време е вовлечен во минатото и животот на неговиот сосед милионер. Се проткајува приказна со многу луксуз, страст, љубов и трагедија. Има преубава костимографија и музика, за момент ќе ве натера да заборавите на секојдневието и ќе ве пресели во гламурозниот свет на Gatsby.

The Greatest Showman е американска драма-мјузикл каде што дел од главните улоги ги играат Hugh Jackman, Zac Efron, Michelle Williams, Rebecca Ferguson, и Zendaya. Станува збор за инспиративен филм, којшто покажува дека со малку волја и упорност човек може да постигне се што ќе намисли. Музиката е преубава, песните ќе ги слушате уште долго после филмот. Морници ќе ве лазат додека го гледате и насмевка ќе ви мами на лицето со секоја сцена.

Les Miserables е мјузикл којшто е направен по легендарното дело на Виктор Иго - Клетници. Во главните улоги се вбројуваат Hugh Jackman, Russell Crowe, Anne Hathaway, Eddie Redmayne, Amanda Seyfried, Helena Bonham Carter, and Sacha Baron Cohen, импресивна група на актери којашто од старт вегтува одлична глума и изведба. Дејството се одвива во Франција во почетокот на 19-тиот век, каде што ја прати приказната на Jean Valjean, којшто е гонет со години од страна на полицаецот Javert, поради тоа што ја прекршил условната слобода. Филмот дава реален приказ на Франција во тој период и пренесува инспиративна приказна на којашто никој не би можел да остане рамнодушен.