Топ 5 омилени производи од Bell Cosmetics | Blogmas day 12

Bell Cosmetics favorite products

Производите на Bell Cosmetics ги користам веќе две години и дефинитивно си имам свои фаворити. Денес ќе ви ги споделам моите топ пет производи од овој бренд, коишто не претерувам кога ќе кажам дека по некој од нив вклучувам во речиси секој makeup look којшто го креирам. Па да започнеме.

Bell Cosmetics Hydrating primer

Bell HYPOAllergenic Moisturizing primer

Оваа база е наменета за хидрирање на кожата. Има лесна текстура на лосион, убаво ја припрема кожата за понатамошно нанесување на течна пудра. Не ги пополнува порите но убаво ја измазнува површински кожата. По нанесување убаво се впива во кожата и не остава мазно лизгаво чувство што некои прајмери знаат да го остават. Формулата е збогатена со растителни шеќери, дериват на хијалуронска киселина и екстракт од листови на алое. Комплексот на растителни шеќери ја подобрува хидратацијата на кожата, ја зајакнува кожата бариера и ја намалува загубата на вода. Ефикасно ја продолжува издржливоста на шминката и ги ублажува иритациите на кожата. Не е ни чудо што толку и прија на мојата дехидрирана кожа особено во овие зимски периоди. Дозирањето е со помош на пумпица и ви е потребна многу мала количина за цело лице.

Bell Cosmetics Drop Foundation

Bell Hypoallergenic Long lasting Drop Makeup foundation 05 Sand Beige

Оваа течна пудра, иако ја користам од неодамна дефинитивно ќе ја вбројам во фаворитите оваа 2020 година. Има течна текстура којашто ја обожавам. Со само две/три капки од пудрата постигнувам целосна покривност. Не е воопшто тешка на кожата и и дава природен сатенски изглед. Оптички ги измазнува брчките и порите. Формулата е богата со минерали на морска вода и екстракт од семе од тиква, кои имаат смирувачки ефект и ја прават идеална за секојдневно шминкање. Пред употреба треба убаво да се промеша за да се соедини пигментот. Преубаво се нанесува и со четка и со сунѓерче. Мислам дека би одговарала за секој тип на кожа. Можете да ја купите во Cosmo или од е-продавницата на Декоратива класик. За директен линк до производот клик тука. Јас ја имам нијансата 05  Sand Beige, има жолт подтон и убаво се прилагодува на мојата кожа. Кога отворив на страната видов дека оваа нијанса е најсветлата што ја имаат тука, можеби во продавница има повеќе избор. Како и да е ако имате сличен тен на мојот оваа нијанса мене ми прилега совршено.

Bell super mat foundation

Bell Super Mat Cover Make-up foundation 02 Natural

Bell Super Mat Cover Make-up течната пудра има средна покривна моќ и дава свеж изглед на кожата. Мојата е во нијанса 02.Natural и е убава неутрална нијанса. Формулата е збогатена со витамин Ц, кој игра важна улога во одржувањето на свеж и здрав тен на кожата. Содржи и витамин Е, кој штити од слободни радикали и од предвремено стареење. Формулата на течната пудра содржи силиконски пигменти и се разнесува совршено на кожата, без да остава дамки и слоеви, а мат ефектот трае со часови. Текстурата е со средна густина, лесно се нанесува, има природен мат завршеток. Долго време стои на кожата, го држи себумот под контрола околу 6 часа, после тоа забележувам благо просјајување во т-зоната. Иако се карактеризира со мат завршеток сепак не е тешка на кожата, па мислам дека може да ја користат и лица со нормална кон сува кожа (оние со сува кожа можат да нанесат хидратантна база под неа). За директен линк до производот клик тука.

Bell Cosmetics Secretale blush

Bell Secretale Soft Blush

Станува збор за руменило со сатински завршеток. Јас го имам во нијанса 04, прекрасна розева/праска нијанса. Го сакам затоа што дава свеж и здрав изглед на образите. Има убава пигментација, лесно и рамномерно се нанесува на кожата. Не предизвикува акни и иритации. Ми прилега прекрасно на мојот тен и е нијанса којашто убаво го надополнува секој makeup look којшто го креирам. Има компактно пакување коешто не зазема премногу место, па можете да го носите со вас за поправки во текот на денот. Уште еден плус е што не бледее во текот на денот, и покрај тоа што тоа знае да биде случај со други руменила коишто ги имам во мојата колекција.

Bell cosmetics precision lip liner

Bell Precision Stay On Lipliner

Bell Precision Stay On Lipliner го имам во нијанса 03. Оваа нијанса и формула ми е една од омилените затоа што:
- има кремаста структура која што е лесна за нанесување
- има прецизен врв кој што е идеален во ситуации кога сакате да ги прецртате усните за да добиете ефект на пополни усни само запомнете дека "less is more" во такви ситауции за да не добиете спротивен ефект
- убаво изгледа и нанесен на цела усна како кармин особено затоа што има долготрајна формула
- нијансата е совршена контур нијанса којашто лесно ми се вклопува со секоја нијанса на кармин
- одлично се комбинира и со сјаеви, ја продолжува нивната трајност
- ако се комбинира со нијанса посветол кармин дава ефект на пополни усни.
За директен линк до производот клик тука.

Bell Rich creamy lipstick

BELL HYPOALLERGENIC КАРМИН RICH CREAMY

Станува збор за богат и кремаст хидратантен кармин. Јас го имам во прекрасна nude нијанса, 03 Praline Cream. Има висока пигментација, многу е долготраен. Дава убав сјај на усните и ги прави да изгледаат сочно и хидрирано. По некое време се губи сјајот но пигментот на усните останува со часови. Има преубава форма која овозможува прецизно нанесување без употреба на моливче. Прекрасен е и  мислам дека е еден од најубавите формули на кармини во стик коишто ги имам пробано до сега. Не ме ни чуди што Bell се има прославено со нивните кармини, до сега ниеден ме нема разочарано. За директен линк до производот можете да кликнете тука. Инаку видов дека од оваа линија имаат и мат опција така да таа ќе ми биде следна на листа за пробување.

Bell Secretale lipstick

BELL SECRETALE КАРМИН VELVET LIPSTICK

Ако сакате мат кармини во стик коишто се удобни на усните тогаш овој кармин е правилниот избор. Кога се нанесува има кремаста формула, но за кратко време се суши во мат завршеток. Иако е мат не ги суши усните, има прилично хидратантна формула. Долго трае на усните, со тек на време еднакво бледее од нив.  Јас го имам во преубава бордо нијанса со број 06. За директен линк до производот клик тука.

Bell swatches

Дали сте ги пробале овие производи на Bell?

Ве гушкам,

Бојана

Leave a Reply

This site uses Akismet to reduce spam. Learn how your comment data is processed.

Scroll to top