Омилени подкасти за мотивација и личен развој | Blogmas day 11

Lewis е од оние типови на луѓе што прават се, од атлета, станува претприемач, автор на книги, говорник и подкастер. Има интервјуирано многу познати и успешни личности од различни сфери од животот. Целта на секоја епизода е преку примерите коишто ги пренесува од лично искуство и од искуство на своите гости, да извлечете тактики, идеи, поуки и мотив за тоа како можете да ја пронајдете големината во себе и да го направите вашиот живот исполнет и среќен. Начинот на којшто разговара со гостите ви прави да се чувствувате како да сте и вие со нив седнати на пијачка и разговарате на интересни теми коишто се дел од секојдневието на сите нас. Секој петок објавува 5-минутна епизода во којашто споделува вежби и техники за себе мотивација, подобро дишење, планирање, управување со време и сл. Има објавено над 1000 епизоди во коишто сум сигурна дека ќе најдете теми коишто ќе го задржат вашето внимание.

За линк до неговиот подкаст клик тука.

Една од омилените епизоди е интервјуто со Matthew McConaughey, за директен линк клик тука.

Можеби сте ги забележале инспиративните видеа коишто кружат на интернет од Jay Shetty, слична содржина има и неговиот подкаст. Разработува најразлични теми коишто се инспирани од секојдневниот живот, пријателства, љубовни врски, позитивна мисла, продуктивност. Има многу пријатен глас и често го слушам пред спиење затоа што смирува. Единствена мана ми е што има многу реклами за време на епизодите што знаат да бидат малку иритантни, но ако станува збор за тема којашто е од мој интерес ги занемарувам.

Директен линк до неговиот подкаст имате тука.

Овој подкаст е наменет за претприемачи и сопственици на мали бизниси. Во секоја епизода споделува кратки совети коишто треба да помогнат да постигнете успех во вашиот бизнис. Вообичаено епизодите не траат подолго од 10-тина минути така да се навистина лесни за следење. Покрива разни теми од тоа како да го таргетирате и пронајдете вашиот целен потрошувач, како да креирате совршено корисничко искуство, како да дојдете до профитабилна бизнис идеја, вештини коишто треба да ги развиете пред да станете успешен претприемач и сл.

Директен линк за подкаст тука.

Ако сакате да научите како да инвестирате правилно, да создадете богатство, да ги подобрите вашите односи и вашето здравје од најдобрите експерти во светот, тогаш овој подкаст е за вас.

Директен линк до подкаст тука.

Ако ви треба поттик да направите клучни промени во вашиот живот овој подкаст може да го направи токму тоа. Во секоја епизода споделува различни совети и техники коишто ќе ви помогнат да воведете нови навики коишто ќе воведат позитивни промени во вашит живот. Покрива најразлични теми како исхрана, здравје, фитнес, сон, продуктивност и сл. Бонус плус е тоа што епизодите не траат подолго од 10 минути.

Овој подкаст дели совети, техники, тактики и трикови коишто се дизајнирани да ја воздигнат вашата продуктивност, управување со време, цели, to-do листи, навики и тек на работите на нови височини -  како дома така и на вашето работно место. Ако сакате да го посветите вашето време и напор на извршување на правилните активности, тогаш овој подкаст е за вас.

Линк до подкаст тука.

Секоја недела се споделува нов разговор со успешни и инспиративни жени. Низ разговорите навлегуваат длабоко во суштината за тоа што се е потребно за да се изгради успешен бизнис и растечка кариера - додека ги живеат животите под свои услови и предизвици со коишто се соочува една жена. Очекувајте забавни, ранливи, корисни разговори коишто се смеат понекогаш на апсурдноста на животот. Домаќин на овој подкаст е Sophia Amoruso.

"Зошто да живееш обичен живот, кога можеш да живееш извонреден живот?" Во овој подкаст Tony Robbins споделува докажани стратегии  и тактики за постигнување на одлични резултати во бизнисот, односите, здравјето и финансиите. Тука се објавуваат ексклузивни аудио сними, негови гостувања на настани како и интервјуа со големите умови на моменталното секојдневие.